I året 1946 etablerte gardbrukarane i Austgulen sitt innkjøpslag. Ein vesentleg grunn til dette var at bygda då ville få rutebåten til å ta Austgulen opp som stoppestad. 

Til næraste handelshus var det 7 km veg, noko som folk følte var mykje tidkrevande og slitsomt. Med eit innkjøpslag ville det bli så mykje lettare på mange måtar og noko ville dei og spare på vareprisane. 

I 1950 fekk dei oppført eit bygg på kaia slik at det vart lettare både ved mottak og salg av dei varene dei hadde valt å satse på. 
Tida endra seg fort, - det kom vegsamband over Takledalen og vidare utover mot riksvegen Halsvik - Rutledal. 

Innkjøpslaget vart lagt ned i 1955.